Peşəkar psixoloqlarımız tərəfindən uşaqlarda müşahidə olunan inkişaf və davranış problemlərinə yönəlik fərdi psixoloji dəstək təqdim olunur. Məqsədimiz hər bir uşağın potensialını üzə çıxarmaq, emosional və sosial inkişafını dəstəkləməkdir.

• Psixi inkişaf ləngiməsi – Uşaqlarda yaşına uyğun zehni və davranış bacarıqlarının geri qalması zamanı fərdi inkişaf proqramları tətbiq olunur. Bu məşğələlər nitq, diqqət, yaddaş və sosial bacarıqların inkişafına yönəlib.

• Autizm – Autizm spektr pozuntusu olan uşaqlar üçün xüsusi yanaşma tətbiq edilir. Sosial ünsiyyət, göz təması, diqqət toplama və emosional ifadə bacarıqları üzərində fərdi şəkildə işlənilir.

• Daun sindromu – Daun sindromlu uşaqlara yönəlik emosional dəstək, dil bacarıqları və gündəlik həyat vərdişlərinin inkişafı məqsədilə fərdi məşğələlər keçirilir. İnteqrasiya və özünüifadə qabiliyyəti əsas hədəflərdəndir.

• Hiperaktivlik – Artıq hərəkətlilik və impulsiv davranışların tənzimlənməsi üçün sakitləşdirici məşğələlər və davranış yönümlü terapiyalar tətbiq olunur. Uşağın diqqət müddəti artırılır, davranış nəzarəti gücləndirilir.

• Davranış pozuntusu – Aqressivlik, itaətsizlik və sosial uyğunsuzluq kimi hallar üzərində fərdi və ailə ilə birgə terapiya metodları tətbiq edilir. Uşağa empatiya, qaydalara uyğunlaşma və özünü tənzimləmə bacarığı aşılanır.

• Zəka geriliyi (İqli gerilik) – Zəka səviyyəsinin inkişafı üçün kognitiv məşğələlər və gündəlik bacarıqların formalaşdırılmasına yönəlik metodlar istifadə olunur. Nitq, düşüncə, yaddaş və problem həll etmə bacarıqları üzərində çalışılır.

• Diqqət əksikliyi və s. – Diqqət toplama və davamlılığını gücləndirmək üçün strukturlaşdırılmış məşğələlər keçirilir. Fokuslanma oyunları və fərdi yanaşma ilə öyrənmə bacarıqları inkişaf etdirilir.